महिना मार्च, सामान्य ज्ञान, तिसरा आठवडा

 महिना मार्च, सामान्य ज्ञान, तिसरा आठवडा

गटात न बसणारे पद(शब्द)ओळखा व कारण सांगा.

(१) पिंपळ, वड, तुळस, चिंच.

--- तुळस

( तुळस लहान रोपटे. गटातील इतर उंच वाढणाऱ्या वनस्पती आहेत.

---------------------------------------------------

(२) मका, नाचणी, मटकी, बाजरी.

---  मटकी

(मटकी कडधान्य, इतर सर्व तृणधान्य आहेत.)

---------------------------------------------------

(३)शेंगदाणे, निशिगंध, गुलाब,झेंडू.

--- शेंगदाणे

(शेंगदाण्यातून तेल काढतात. बाकीची केवळ फुले आहेत.)

---------------------------------------------------

(४) टोमॅटो, वांगी, कारले, मेथी.

--- मेथी 

( मेथी पालेभाजी, इतर सर्व फळभाज्या आहेत. )

---------------------------------------------------

(५) स्पंज, दगड, रबर, कापूस.

---  दगड

(दगड कठीण पदार्थ. इतर सर्व मऊ पदार्थ आहेत.)

---------------------------------------------------

(६) डास, विंचू,  ढेकूण, गोचीड.

---  विंचू ( विंचू डंख मारतो, इतर तीन रक्ताचे शोषण करतात.)

---------------------------------------------------

(७) शेळी, गाय, हरिण, म्हैस.

---  हरिण  (हरिण जंगलात असते, इतर पाळीव सर्व प्राणी आहेत.)

---------------------------------------------------

(८) सिंह, कुत्रा, चित्ता, वाघ.

---  कुत्रा

( कुत्रा पाळीव प्राणी आहे, इतर सर्व  जंगली प्राणी आहेत.)

---------------------------------------------------

(९)  पापलेट, रोहू, बोंबिल, सुरमई.

---  रोहू 

( रोहू गोड्या पाण्यातील मासा. इतर सर्व सागरी मासे)

---------------------------------------------------

(१०) बेडूक, मुंगूस, उंदीर, घोरपड.

---  बेडूक 

(बेडूक उभयचर प्राणी, इतर सर्व प्राणी बिळात राहतात.)

---------------------------------------------------

(११) ताक, दगड , पाणी, सरबत.

---  दगड .

( दगड स्थायू पदार्थ. गटातील इतर द्रव पदार्थ )

शरीराच्या अवयवांवरून असलेल्या म्हणी शोधूया

(१) पाय - 

   बुडत्याचा पाय खोलात.

-------------------------------------------

(२) हात -  

   हाताच्या काकणाला आरसा कशाला ?

----------------------------------------------

(३) नाक -  

     नाकापेक्षा मोती जड.

----------------------------------------------

(४) बोट -  

   हाताची पाचही बोटे सारखी नसतात.

----------------------------------------------

(५) कान -    

   कानामागून आली नि तिखट झाली.

---------------------------------------------

(६) दात -    

  खायचे दात वेगळे,दाखवायचे दात वेगळे.

--------------------------------------------

(७) कोपर -  

   मऊ लागले म्हणून कोपराने खणू नये.

---------------------------------------------

(८) पाठ -    

   सुसरबाई तुझी पाठ मऊ.

-------------------------------------------

(९) काख - 

 काखेत कळसा नि गावाला वळसा.

--------------------------------------------

(१०) डोळा - 

आंधळा मागतो एक डोळा,देव देतो दोन.

----------------------------------------------

(११) जीभ -

  उचलली जीभ लावली टाळ्याला.